Էքսկուրսիա դեպի Գառնի, Գեղարդ և Քարերի սիմֆոնիա
|
Տևողությունը՝ 4ժ.
|
Արժեքը՝ առանց զբոսավար
|
Արժեքը՝ զբոսավարով
|
| Մարդատար (առավ. 3 ուղևոր) | 30 000 ՀՀԴ | 50 000 ՀՀԴ |
| Մինիվեն (առավ. 7 ողևոր) | 40 000 ՀՀԴ | 60 000 ՀՀԴ |
Ենթադրաբար, Գառնու հեթանոսական տաճարը կառուցվել է 77 թվականին։ Այն գտնվում է Հայաստանի Կոտայքի մարզում՝ Ազատ գետի ձախ ափին։
Տաճարը նվիրված էր հայոց հեթանոս լույսի և արևի աստված Միհր աստծուն։ Ըստ հունարեն արձանագրության՝ այն հիմնադրել է Տրդատ Ա-ն։ 305 թվականին, երբ հայոց թագավոր Տրդատ III-ն ընդունեց քրիստոնեությունը որպես պետական կրոն, ավերվեցին բոլոր հեթանոսական պաշտամունքային վայրերը։ Գառնու տաճարը միակ հեթանոսական հելլենիստական և հունահռոմեական կառույցն է, որը պահպանվել է: Հավանաբար այն գոյատևել է "արվեստի գլուխգործոցի" լայնորեն ճանաչված կարգավիճակի պատճառով։
Հայաստանը զբոսաշրջիկների շրջանում հայտնի է իր վանքերի և կրոնական հուշարձանների բազմազանությամբ, սակայն դրանցից ամենահայտնին Գեղարդի վանքն է կամ Գեղարդավանքը։
Ե՛վ զբոսաշրջիկները, և՛ տեղացիները սիրում են Գեղարդը, քանի որ տեսարանը պարզապես անհավանական է. վանքը գտնվում է կիրճում՝ բարձր կախովի ժայռերի, թավ անտառներով պատված լեռների մեջ: Վանքը և նրա խցերը փորագրված են ժայռի մեջ։ Համալիրի կազմում ընդգրկված հուշարձանները թվագրվում են IV-XIII դդ. Նախկինում վանքը կոչվել է Այրիվանք (քարանձավային վանք)։
Ըստ պատմության՝ վանքը հիմնադրվել է Սուրբ Գրիգոր Լուսավորչի կողմից և կառուցվել 301 թվականին Հայաստանում քրիստոնեությունը որպես պետական կրոն ընդունելուց հետո։
Քարերի սիմֆոնիան, որը հայտնի է նաև որպես Բազալտե երգեհոն, Հայաստանի ամենատպավորիչ բնական հուշարձաններից է։ Այն գտնվում է Գառնու կիրճում, Ազատ գետի աջ ափին։
Հուշարձանը բաղկացած է հազարավոր բազալտե սյուներից, որոնց բարձրությունը հասնում է մինչև 50 մետրի։ Իր յուրահատուկ տեսքով դրանք հիշեցնում են երաժշտական երգեհոնի խողովակներ, ինչի շնորհիվ հուշարձանը ստացել է Բազալտե երգեհոն անվանումը, թեև առավել հայտնի է որպես Քարերի սիմֆոնիա։
Ժայռային գոյացությունն ունի հրաբխային ծագում։ Մոտ 127,000 տարի առաջ Գեղամա լեռներում տեղի է ունեցել հզոր հրաբխային ժայթքում, որի արդյունքում լավան հոսել է դեպի այս տարածք։ Դանդաղ սառչելու ընթացքում լավան ձևավորել է բնորոշ հնգանկյուն և վեցանկյուն բազալտե սյուները։
